133
Avenida Milo Croes – Diasabra mainta polis y ambulance a bay altura di Dakota Shopping Paradise, pa un accidente basta serio.
Polis a compronde na e sitio cu e vehiculo aki tawata bayendo abou cu velocidad halto y a perde contro baha caminda na su man drechi.
Y a bay dal contra muraya di Dakota Shopping Paradise, causando hopi destruccion.
Den e auto tawata tin tres persona.
Un di e tres personanan no tawata desea atencion medico, e otro dosnan si.
Loke sa pasa varios biaha
E momento eynan no tawata tin niun ambulance disponibel. Pick up mobiel di Ambulance si a presenta.
Mirando cu ambulance lo no yega na e sitio e momento ey, personal di ambulance cu a yega cu e pick up a duna personal di Rode Kruis ok pa transporta e heridonan pa hospitaal.