Isla Pop un biaha mas victima di kiebro y ladronicia

Oranjestad: Diasabra den oranan di mainta, polis ta wordo manda na e establecimento di Isla Pop na L.G. Smith Boulevard pa un caso di kiebro y ladronicia.

Na yegada e patruya ta bin compronde cu aparentemente un choller lo a kibra un porta di glas drenta paden y pasa man pa un flatscreen. No ta prome biaha cu e establecimento aki ta bira victima di ladronicia, ta varios biaha desconocidonan a comete kiebro y ladronicia den e establecimento aki.

Despues cu Polis a tuma tur e datosnan, nan a sali bay busca den e area pa e choller cu lo a comete e kiebro y ladronicia aki, pero sin resultado.