Home Police Chauffeur hoben bou influencia ta dal peaton na altura di Isla di...

Chauffeur hoben bou influencia ta dal peaton na altura di Isla di Oro, situacion di e victima ta serio

SHARE

Diasabra mainta polis ta topa cu un accidente serio na altura di e tubonan di W.E.B altura di Isla di Oro.

Mey mey caminda un cabayero cu golpi serio na cabes y tawata pa motibo di un golpi serio ricibi despues di wordo alcansa pa un auto.
Ambulance a wordo pidi cu urgencia, mirando e seriedad di e herida. Instancianan concerni a wordo poni na altura, manera
Vocero policial señor Lito Laclè a duna e siguiente relato:
“09.40 melding a drenta via Centrale Post cu tin un dalmento basta pisa net pabou di Isla Di Oro.  Na jegada di patrouille ta bin constata cu un auto a dal un peaton. Mesora ambulance a bin na e sitio y a cuminsa brinda e prome ayudo na e víctima.  Por bisa te aworaki su situación ta critico y e chauffeur a wordo deteni y hiba warda pa art. 5A. (Coremento bou influencia). Departamento di Tráfico y departamento Técnico di Cuerpo Policial bezig ainda cu investigación na e sitio”. (11:20am).
E hoben a wordo deteni y transporta cu transportwagen pa warda di Santa Cruz. Segun nos a compronde e hoben a supla y esaki tawata basta halto.
Coremento bou influencia ta un problema hopi serio y diasabra mainta un biaha mas ela wordo demostra.