Oranjestad, Aruba – Rolando “Grandi” M. a gana e jackpot miyonario di Lotto 5 di 1.650.000 florin. E sorteo a hunga diasabra 27 di januari, 2018. Grandi a cumpra su ticket na Nasett Lottery na San Nicolas. E la cumpra combinacionnan di number vast y tambe diferente “Loco”. A resulta cu un di su numbernan “Loco” a sali ganado.
E diadomingo despues di e gran sorteo e la haya sa cu e ta e ganado absoluto di Lotto 5 despues cu su ruman a mande e potret di e kiosco cu a bende ticket ganado. Mesora e la bai controla su ticketnan y a bisa su comprometida cu nan a bira miyonario paso e ta e ganado di Lotto 5! Grandi a laga sa cu awo e lo bira su mesun boss y cuminsa un propio negoshi. Lotto ta manda palabranan di felicitacion y tambe ta desea Grandi y su pareha tur classe di exito!
Lotto, e loteria di Aruba tin diferente wega; Catochi, Big 4, 1OFF, Zodiac, Wega di Number Korsou di Lotto, Lotto di Dia, Lotto 5, Mini Mega cu su Mega Plus y e diferente weganan di Raspa Y Gana. Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.