Oranjestad, Aruba – Cumprando ticket cu numbernan vast Jamil T. y Victor C.F. a gana e Mini Mega cu su Mega Plus di diabierna, 26 di januari, 2018. E jackpot a yega e suma miyonario di 2.6 miyon florin y esaki a wordo gesplit entre nan dos. Cada un a hiba 1.3 miyon florin banco.
Jamil T. a cumpra su ticket di suerte serca su ruman cu ta donjo di Big Ten Lottery na Montanja. E la pasa busca su premio na oficina principal hunto cu parti di su famia. Pa loke ta trata e otro ganado, Victor C.F., e la bishita Lotto diaranson pa cobra su premio. E la conta cu e tin 30 aña biba aki na Aruba y e ta un carpinte cu awo lo cumpra of traha su propio cas y tambe cuminsa su mesun negoshi hunto cu su esposa y yuinan. Na Kinesia Palm Beach e la cumpra su dos ticketnan, cual uno a resulta di ta esun ganado.
Lotto, e loteria di Aruba tin diferente wega; Catochi, Big 4, 1-OFF, Zodiac, Wega di Number Korsou di Lotto, Lotto di Dia, Lotto 5, Mini Mega cu su Mega Plus y e diferente weganan di Raspa Y Gana. Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.