Home » Prome Minister Wever-Croes: Pa estrecha lasonan entre Gobierno y Consulnan di Aruba y Corsow

Prome Minister Wever-Croes: Pa estrecha lasonan entre Gobierno y Consulnan di Aruba y Corsow

by Admin
0 comment 96 views

GOBIERNO DI ARUBA A BRINDA NAN UN RECEPCION AMENO

Pa Gobierno di Aruba ta importante pa estrecha lasonan cu e paisnan cu tin representacion aki na Aruba atrabes di Consulnan. Prome Minister Evelyn Wever-Croes ta lamenta cu den ultimo añanan e Consulnan no a haya oido cerca Gobierno anterior.

Gobierno di Gabinete Wever-Croes a dicidi di cuminsa un aña diferente y a invita tur Consul cu ta establece na Aruba y Corsow na un recepcion pa cera conoci cu otro y pa intercambia ideanan cu nan y conoce e trabounan cu cada ken ta eherce.

E hefenan di Departamentonan di Gobierno cu ta atende mas regular cu e Consuladonan aki na Aruba y na Corsow tambe a wordo invita pa asina estrecha lasonan y atende cu temanan cu cada Consulado ta atende pa e ciudadanonan di nan pais cu ta biba aki pa asina percura pa tin un miho integracion den nos comunidad tambe.

Prome Minister Evelyn Wever-Croes a duna di conoce cu e recepcion a bay hopi bon. E Consulnan a keda hopi satisfecho cu e atencion cu nan a ricibi y cu atrobe tin oido pa nan ponencianan. Ta importante pa tin un bon relacion di trabou cu cada Consul na Aruba cu ta representa e comunidad di esnan cu ta bin di afo pa establece nan mes aki. Nan Consulnan ta nan representante ora tin cualkier problema y reto. Pa e motibo aki tambe Gobierno a pone como un meta principal pa atende cu e tema aki na un bon forma.

E Premier di Aruba ta indica cu e iniciativa aki di Gobierno a cay riba bon tera cerca e Consulnan. Y awo lo sigui estrecha laso cu Consulnan di Aruba y Corsow.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio