Diaranson 7 di Februari tin prijs special riba celularORANJESTAD, Aruba –
Carnaval ta den swing y Digicel Aruba ta memey di e accion. Digicel lo habri e siman final di Carnaval cu un celebracion special diaranson dia 7 di februari 2018 na e tienda di Digicel situa den Lagoenweg na Marisol Building.
E celebracion lo cuminsa cu un oferta special ‘Riba Bou’, unda cu tur hende lo por disfruta di beneficionan di ofertanan atractivo riba celularnan desde 5:00pm pa 10:00pm. E oferta ta valido solamente na Digicel den Lagoenweg, na e Marisol Building outlet. E accion lo bira mas cayente for di 8:00pm pa 10:00pm na momento cu Digicel ta host Ruben Garcia cu su programa di television y radio ‘Riba Bou’, live den tienda.
Clientenan di Digicel y publico cu yega p’e experiencia, por spera entretenimento di Reina di Carnaval, Prins & Pancho, un grupo di baile di Carnaval y banda en bibo cu nan reciente cantica di Carnaval. E anochi aki tur hende lo por disfruta di e banda local y DJ, kende lo pone tur hende baila y gosa di e canticanan di carnaval.
Wanda Broeksema, CEO di Digicel Aruba, a comenta riba e promocion di Riba Bou y evento: “Digicel Aruba ta entusiasma di ta envolvi den Carnaval di un manera cu ta agrega balor via nos oferta atractivo di celular pa sigura cu hendenan ta conecta durante e evento cu nan ta gusta. Agrega e programa di Riba Bou, live desde nos tienda, ta un bonus adicional pa amantenan di Carnaval di cual nos ta mas cu contento di facilita”.
Pa cuminsa e temporada di Carnaval, Digicel a introduci un promocion special cu nan d’Music – app pa stream musica. Via e app aki, amantenan di musica ainda tin e chens di gana un trip pa dos pa Miami y mira Shakira den concierto LIVE na Augustus 2018. Clientenan di Prepaid por participa door di simplemente download y subscribi na e Digicel d’Music app. d’Music ta conta cu un catalog di mas cu 30 miyon cantica cual clientenan por stream, scucha y download musica.
Usuarionan por keda scucha nan cantica faborito di artistanan local y internacional door di download e Digicel d’Music App riba cualkier aparato. Aunke cu na e momentonan aki e app ta disponibel pa clientenan di Digicel prepaid, e clientenan di Postpaid tambe tin chens di gana ticketnan pa mira Shakira LIVE den concierto na momento cu nan paga nan recibo di Digicel di Januari 2018, na tempo.
Digicel ta un compania total di comunicacion y proveedor di entretenimento cu ta opera den 31 mercado den Caribe, Centro America y Ocean Pacifico. Tambe Digicel ta anfitrion di iniciativanan rond di e mercadonan, cu ta inclui Digicel Foundation na Haiti, Jamaica, Papua New Guinea y Trinidad & Tobago cu ta enfoca riba educacion, cultura y programanan social di desaroyo. Bishita www.digicelgroup.com pa mas informacion.