Home » ARUBA TA SOBRESALI UN BIAHA MAS CU PREMIONAN ESTELAR DI TRIPADVISOR

ARUBA TA SOBRESALI UN BIAHA MAS CU PREMIONAN ESTELAR DI TRIPADVISOR

by Admin
0 comment 123 views

Bucuti & Tara Beach Resort ta nr. 1 y den Top 25

EAGLE BEACH, Aruba – Bucuti & Tara Beach Resort un biaha mas ta logra diferente premionan for di TripAdvisor® y ta mantene su nivel halto di excelencia den hospitalidad. TripAdvisor® , e ‘travel site’ mas grandi na mundo, a anuncia su ganadornan pa e prestigioso ‘Travelers’ Choice Awards’. Pa di dos biaha den tres aña, Bucuti & Tara Beach Resort, for di 1 miyon hotel rond di mundo, ta wordo escogi den e Top 25 di hotelnan pa Romance na Mundo. Bucuti & Tara Beach Resort ta keda destaca, como resort pa adulto solamente y ta bolbe ricibi e premio di Hotel nr. 1 pa Romance den region Caribe.

Pa añanan largo Bucuti & Tara Beach Resort a sa di profila su mes como un Resort dedica na duna huespednan e mihor experencia pa cu nan vacacion. Cu un enfasis unico riba e trankilidad y romanticismo, a haci Bucuti & Tara un resort destina solamente pa adulto y cu hopi dedicacion na ‘Wellness’ en general. Despues di renobacionnan cuantioso pa sigui inverti den calidad di producto, Bucuti & Tara Beach Resort ta sigui demostra su dedicacion na keda eleva nivel y criterianan di hospitalidad di Aruba di esun di mas halto. Esaki alabes ta contribui na alza e calidad di servicio pa cu Turismo di Aruba pa un di esunnan di mas mihor rond di mundo. Pa Aruba e ta sin duda un logro grandi. No solamente Bucuti & Tara Beach Resort ta Sali nr. 1 den Romance region Caribe, pero tambe ta logra posiciona su mes den e Top 25 pa e hotel di Romance na mundo, Top 25 den hotel di Caribe y ta posiciona su mes na di tercer luga den Top 25 den hotel di Servicio den Caribe.

Pa e ultimo decada, Bucuti & Tara a profila su mes como top resort den romanticismo. Cu esaki Bucuti & Tara ta pone enfasis na un grupo specifico di turista cu ta busca un experencia di romance, serenidad, calidad y tambe sigur uno saludabel. Situa na un di e mihor beachnan di mundo, Eagle Beach, ta percura pa Bucuti & Tara cumpli sigur cu un bista unico di romance.

Mester menciona cu Bucuti & Tara Beach Resort den mayoria di e premionan ta e unico hotel den Caribe cu ta yega den e Top 25 y tambe logra e prome y tercer luga. E logronan aki sigur ta significante pa henter e team di professionalnan dedica na brinda e mihor di nan mes pa garantisa un experencia inigualabel di cada bishitante. ‘Nos ta sumamente orguyoso di nos team dedica cu tur dia ta eherce nan trabou cu energia y dedicacion. Ta danki na nos empleadonan Bucuti & Tara ta ricibi reconocimento internacional’, tabata palabra di propetario y hotelero Sr. Ewald Biemans. Ta di remarca cu apesar di wordo reconoci door di Tripadvisor, tambe Bucuti a wordo elegi como ‘Best Resort in the Caribbean’ pa Conde Nast Reader’s Choice Award y su propetario Sr. Biemans a keda elegi como ‘Hotelier of the Year’ pa Caribbean Journal.

Gerencia ta extende su palabra di Pabien na Aruba pa cu e logro aki, pero tambe na henter Bucuti & Tara Beach Resort su empleadonan.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio