Home » Minister Glenbert Croes: Maneho riba autoridad di supervision, control y sancion riba mercado laboral a keda aproba

Minister Glenbert Croes: Maneho riba autoridad di supervision, control y sancion riba mercado laboral a keda aproba

by Admin
0 comment 61 views

Tin cu kier bisa cu Aruba a pasa den un crecimento economico. Bo pais ta crece economicamente ora e trahado ta crece hunto cu ne pa realmente por papia di un crecimento. Pero den caso di Aruba tur lo contrario a sosode. Danki na e maneho anterior di ontheffing, esaki a crea espacio pa mas desempleo y na mes momento a stimula y intensiva e fenomeno di “cheap labor” cu e consecuencia cu trahadonan aki na Aruba maske cu nan tin un trabou ainda ta pasa mester. Esaki kiermen cu trahadonan aki na Aruba mester busca dos of mas trabou pa por biba un bida digno cu tur su consecuencia social cu esaki ta trece cu ne.
Cu otro palabra, e bolo a keda mes grandi, e slicenan a bira mas fini.

A yega kehonan substancia cerca Minister riba posibel practicanan laboral ilegal cu lo ta tumando lugar na entre otro refineria. Practicanan manera “turistanan” cu ta haya estadia pa 30 te cu 90 dia pero cu ta uza e status di turista pa traha den refineria cu consentimento di cierto contratistanan local y di afo creando “cheap labor” pasobra cu e hendenan aki pa necesidad ta acepta ki cu ta na pago cual no ta husto tampoco.

For di principio Minister Glenbert Croes a anuncia un paro na ontheffing. Awor e fenomeno ariba menciona a lanta cabes y esaki como e Minister cu ta defende e derecho di e trahado local, no ta permiti esaki y pa e motibo ey a 1. duna instruccion na Inspeccion di Labor pa investiga e kehonan aki y 2. aproba e maneho cu ta otorga e autoridad na Inspeccion pa por actua mesora ora di encontra un practica ilegal laboral.

E maneho aki ta encera investigacion di:
* cuanto ora trahadonan ta traha realmente
* con ta controla e ‘overtime’ y cu si e pago ta husto
* cu si di berdad ta pagando e salario minimo na e trahado
* tambe Inspeccion di Labor a haya e autoridad pa investiga e fenomeno di “Uitzendbureau”
pa elimina abuso contra trahadonan.
* controla cu e empleado ta haya su dianan di vakantie conforme ley laboral
* cu si ta tuma menor di edad den servicio (kinderarbeid)

Minister Glenbert Croes su compromiso t’ey pa stimula crecimento real economico saliendo na interes di e trahadonan local. Si bo empleado tin e bon, e dunador di trabou su compania ta bay bon y Aruba su economia ta florece.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio