ORANJESTAD – Departamento di Asuntonan Economico/IDEA, Kamer van Koophandel y COSME a organisa recientemente un training tocante “Training of Trainers Financial Education” den cuadro di e proyecto COSME (Caribbean Overseas Small and Medium Enterprises), cu a tuma lugar na Departamento di Asuntonan Economico, riba 17,18 y 19 januari 2018.
E proyecto di COSME ta un programa cu ta financia door di e fondonan regional di Union Europeo cu ta destina specialmente pa e OCTnan (Overseas Countries and Territories) desde april 2014.
E programa tin tres obhetivo specifico:
A. Pa reenforsa e capacidad di e gobierno di e OCTnan den Caribe pa duna servicio na e sector di comercio.
B. Pa mehora e capacidad di “Business Service Organizations (BSOs)” pa drenta den e maneho publico/priva y dialogo administrativo reforma cu gobierno y duna servicio na e constitucion di e SMEs.
C. Pa promove un colaboracion mas fuerte cu comercio y relacion di inversion entre Union Europeo, CARIFORUM y e “Caribbean OCTs”.
Sr. Prakaash Rostam, ta e Key Expert SME & Private Sector Development Specialist den e programa di COSME y ta responsabel pa e desaroyo di e SMEnan y tambe pa nan logra haya acceso na financiamento.
Pa e workshop menciona, sr. Rostam a invita dos representante di the Caribbean MicoFinance Alliance (CMFA), sra. Sherryl White-McDowell y sr. Curven A. Whyte como moderador.
CMFA’s Train-the-Trainer (TOT) program ta un training di un sesion di 3 dia, cu ta combina lectura y ehercicio practico, cu nan ta duna individualmente y den grupo chikito.
Durante e training tur presente a ricibi un Financial Education Manual, Guide y Workbook y a base di esaki a haya oportunidad di practica y duna presentacion na e grupo presente tanto individual y den grupo.
Algun di e topiconan cu a trata den e training tabata e siguiente:
“S.M.A.R.T Goals for Success; Savings Goals, My SWOT Chart, How are your Finances, Ways to Save, Evaluating Savings Services, the Effects of Borrowing, Wants vs. Needs, Samples and Practicing of Budget and Tracking on a sheet, Practice of Calculating Interest, your Rights and Responsibilities, Credit Administration process and Financial Products.
Durante e tres dianan di training, sra. Sherryl White-McDowell (training specialist cu tin mas di 15 aña di experiencia di financial literacy, business development y tambe financial management pa negoshinan chikito y mediano) . Sr. Curven A. Whyte (Director di CMFA, un Profesional Corporate Experienced Person), a sa di duna un tremendo presentacion na tur e participantenan cu tabata presente.
E meta di e encuentro aki y ful e proyecto di COSME ta pa envolvi e representantenan publico/priva adecuado y relevante pa sigura un exito total. E participantenan cu a atende e training aki tabata: DEZHI/ Idea y Exprodesk, KvK, Qredits Aruba, Gianni’s Group, ActionCoach, SQS Consultancy & Research, Free Zone Aruba, CIBC Bank, Doc Opleiding & Trainingen, Maps Consultancy, Accura Tax Cnsultancy. Na final di e training 16 persona a logra di haya un certificado.
IDEA ta gradici tur e moderadornan, COSME consultant y coleganan di DEZHI cu a yuda pa haci e workshop aki posibel, specialmente nos coleganan Clarina Geerman y Xavier Boekhoudt. Na final di e workshop tur participante a ricibi un certificado di participacion y tambe nan a keda hopi satisfecho cu e informacion cu nan ricibi durante e training.