Home Politics Parlamentario Endy Croes: AZV ta costando nos 400 miyon pa aña!

Parlamentario Endy Croes: AZV ta costando nos 400 miyon pa aña!

SHARE

Te con leu nos ta dispuesto di laga e MONSTER aki sigui crece sin atende?

 Parlamemtario  Endy Croes ta preocupa cu e rumbo cu AZV ta bayendo. No obstante cu a hereda un Aruba for di e gobierno anterior den deterioro total cu un desaster financiero nunca bisto ta nos tarea pa traha riba solucionnan duradero.

AZV ta uno cu mester hopi atencion banda di e proyecto di Hospital cu lo wordo investiga profundamente. AZV ta costando pueblo di Aruba alrededor di 400 miyon florin pa aña. Kisas e idea su tras por ta uno noble pero semper y cuando esaki por wordo carga como pais.

Parlamentario Endy Croes a haci un investigacion riba cifranan real di e costo total y a logra compila lo siguiente. Den 2011 e costo total di AZV tabata 360 miyon florin, mientras cu den 2012 y 2013  esaki a aumenta pa 370 miyon cada aña. Na 2014 esaki a sigui aumenta pa 386 miyon mientras den 2015 esaki a alcansa 393 miyon pa aña. Pues claramente si nos sinta man crusa y no haci nada esaki lo ta un “time bomb” cu gobierno lo mester deal cu ne. Croes ta en espera di cifranan real di 2016 y 2017. Pero no obstante esey locual tin riba mesa awor te cu 2015 ta bisa un hende lo suficiente.

Algo mester bay sosode. Locual lo mester pasa ta cu Parlamento di Aruba lo mester asumi su responsabilidad y bay revisa y ahusta e ley actual saliendo di e punto di bista cu e ser humano mester ta central pero alabes den balans cu un producto sostenibel y duradero cual e pueblo aki por carga. Despues di 17 aña di introduccion di AZV nos tin suficiente data pa por tuma e mihor decisionnan posibel. Ta di spera cu oposicion lo sa di carga nan responsabilidad den esaki pa bin para banda di coalicion y asina sali na vanguardia di locual ta bon y sostenibel pa henter e pueblo.

Como Parlamentario nos lo sa di cumpli cu e mandato y deseo di pueblo den su totalidad sin mira color di cualkier partido pero e bienestar general di henter e pueblo di Aruba.