Home » GOBIERNO A CELEBRA DIA DI BETICO CU UN TREMENDO MANIFESTACION CULTURAL

GOBIERNO A CELEBRA DIA DI BETICO CU UN TREMENDO MANIFESTACION CULTURAL

by Admin
0 comment 75 views

Diahuebs 25 di januari, Dia di Betico ta un dia manera Prome Minister sra. Evelyn Wever Croes a compare, di reflexion cu ta yena nos cu inspiracion, balentia, curashi, inteligencia y amor patrio pa atende cu tur reto pa garantisa felicidad di e pueblo aki, locual Betico semper a anhela.

Pa e motibo aki, Gobierno di Aruba a celebra e dia aki na grandi hunto cu pueblo di Aruba den un Ceremonia parti mainta y un Manifestacion Cultural anochi.

Plaza Libertador Gilberto François “Betico” Croes a yena pa e Manifestacion Cultural cu un publico consistiendo di mucha, hoben, adulto y esnan mas grandi pa asina mustra e luga cu Betico tin den curazon di nos pueblo. Un bunita homenahe cultural a wordo brinda na honor di su memoria den bunita presentacionnan di artistanan local brindando un ambiente dushi na tur esnan presente.

Minister di Finansas, Economia y Cultura,. Sra. Xiomara Ruiz-Maduro a duna un discurso hopi bunita y emocional y a encurasha tur hende pa sigui e ehempelnan cu nos gran Libertador a laga pa nos.

Gobierno di Aruba ta determina pa mantene e memoria di Betico bibo y traspasa e historia real di su bida y su lucha pa nos futuro generacionnan. E historia aki lo wordo inclui den curriculum na scolnan. E pueblo a celebra Dia di Betico na grandi mustrando cu nos pueblo ta desecivo pa mantene e memoria di Betico Croes bibo.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio