Home » Ex empleado di +297 kita mainta for di trabou, ta regresa atardi cu dos cuchiu den su poder

Ex empleado di +297 kita mainta for di trabou, ta regresa atardi cu dos cuchiu den su poder

by Admin
0 comment 65 views

Palm Beach – Diadomingo atardi pa mas o menos 6’or y 35, polis ta detene un homber den e area di Hotzone na Palm Beach. Lo ta trata di un homber cu tabata traha na e establecimento +297.

Segun e gerencia di e establecimento, e persona tabata traha cu nan y den oranan di awemainta ela wordo kita for di trabou y den oranan di atardi, e la bolbe na su ex trabou cu dos cuchiu den su poder, e gerencia di +297 lo a sintie intimida y mesora a pidi pa presencia di polis.

Na yegada e polisnan a bin topa e cabayero aki sinta na un otro establecimento un poco pabou di +297. Enberdad polis a haye cu dos cuchiu den su poder, mesora nan a detene y a transporte pa warda di polis, segun e cabayero e dos cuchiunan ta cuchiunan di e chef.

Aparentemente e homber aki ayera nochi a wordo deteni na Sandbar, pa motibo cu e tabata bou influencia di un of otro substancia y tabata haci fastioso. Awetardi na momento cu e tabata bayendo bek +297, su auto lo a daña na altura di brug di madushi, ela lague atras y a cuminsa cana bay pabou. Varios persona a mire cu e dos cuchiunan y a avisa polis, pero nan no a topa cune, ta te ora cu nan a detene nan a bin compronde cu ta trata di e mesun persona.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio