Home » Cu ayudo di Fundacion Lotto pa Deporte, Betico Memorial Run 2018 tabata exitoso

Cu ayudo di Fundacion Lotto pa Deporte, Betico Memorial Run 2018 tabata exitoso

by Admin
0 comment 64 views

ORANJESTAD, Aruba: E aña aki un biaha mas a tuma luga e tradicional Betico Memorial 10K Run, 6K Walk, riba Dia di Betico diahuebs ultimo. A conta cu un participacion grandi di mas di 750 participante. Desde mainta trempan tur participante a yega pa registra y prepara nan p’e salida di e caminata y coremento.

E Betico Memorial Run no tabata posibel sin e ayudo financiero di Fundacion Lotto pa Deporte. E fundacion a duna su sosten pa asina IBiSA por a organisa e caminata y coremento. E participantenan a cuminsa pa 6:00am y a termina pa 8:30am, saliendo dilanti di McDonalds y termina na Centro Deportivo Betico Croes.

E evento a conta cu participacion di participantenan local como internacional. Fundacion Lotto pa Deporte ta orguyoso di a sostene Betico Memorial Run di cual un biaha mas tabata grandi y cu e recorido tabata den Santa Cruz y vecindario. E publico presente a apoya cada participante, di cual Lana Gobbert y Jonathan Busby tabata e ganadonan absoluto di e Betico Memorial Run.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio