Home » Minister Andin Bikker: Mando Policial nobo ta bay tin entre otro como tarea pa mehora e imagen y disciplina den Cuerpo

Minister Andin Bikker: Mando Policial nobo ta bay tin entre otro como tarea pa mehora e imagen y disciplina den Cuerpo

by Admin
0 comment 55 views

E siman aki por spera varios decision importante.

Un di e tareanan importante di e Mando Policial nobo lo ta, aparte di restaura e seguridad di nos comunidad, pa mehora e imagen y adresa temanan di disciplina y integridad den e Cuerpo. Esaki mirando entre otro cu e ultimo dianan Cuerpo Policial lamentablemente a bolbe haye den un lus menos positivo dor di un of mas incidente cu a capta atencion di nos comunidad.

Minister di Husticia mr. Andin Bikker a indica un par di siman pasa cuminsamento di februari como un fecha na cual e kier yega na un palabrashon cu e Korpschef actual y asina por inicia e proceso formal pa zorg pa reemplaso di e Mando Policial di KPA.

Manera por recorda e Korpschef actual mes a indica den pasado cu e kier un reto nobo pa cu su carera, caminda e ta desea di bay traha den un instancia nobo cu tareanan specifico di Interpol. Sinembargo e proceso pa crea un instancia nobo no a wordo atendi debidamente dor di e Gobierno anterior: entre otro nan no a observa proceso di conseho dor di Departamento di Recursonan Humano y otro instancianan y no a logra formalisa creacion di e instancia nobo. Esey a pone cu e minister actual mr. Andin Bikker mester a bay busca consehonan rekeri y practicamente inicia un proceso completamente nobo. Entretanto ta yegando na un palabrashon pa cu e Korpschef actual y pronto pues lo por cuminsa e trayecto pa por yega na un Korpsleiding nobo. Den e tareanan pues lo ta inclui pa optimalisa y mehora e imagen di KPA dor di adresa temanan di disciplina y integridad den e Cuerpo.

Pos spera un conferencia di Prensa den siman di parti di minister Bikker riba e tema di e decisionan importante cu ta bay wordo tuma.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio