Home Politics Parlamentario Endy Croes di MEP: Mike Eman y AVP a laga Aruba...

Parlamentario Endy Croes di MEP: Mike Eman y AVP a laga Aruba tur “Machika”

SHARE

Parlamentario Endy Croes eherciendo su trabao ta splica cu en realidad e gobierno anterior di Mike Eman y AVP a laga Aruba “MACHIKA”. Hopi ta e cadavernan cu nos a encontra den lachi. Personanan cu ta traha como coordinador cu Mike Eman cu salario di Afl. 25 mil florin pa luna. Cantidad di otro coordinadornan ganando Afl.17 mil, Afl. 15 mil, Afl. 12 mil etc etc. Ora puntra kico ta nan trabao? Contesta ta cu nan ta skirbi conseho pa Mike Eman. Ora puntra nan si por haya algun conseho cu nan por a skirbi durante aña 2017. “Toen werd het stil.” Pues claramente un set di sinberguensa ta cobra placa na monton di pais Aruba y no ta ‘voer niks uit’. Na Papiamento crioyo nan ta hortando nos pais.

 

Malgastamento placa di pueblo

Segun Endy Croes e tin masha disgusto di e maneho con Mike Eman a destrui e baranca aki y tur e personanan ‘smeerlap’ cu a cobra placa bruto sin traha pa su persona ta subi e lista di hendenan ‘non grata’. Mike Eman a celebra su hacimento di aña riba e brug y pueblo a paga Afl.142 mil florin pa su fiesta. Hasta parlamentario Michael Lampe a cobra di e placa aki paso e tambe a toca e dia ey. Gobierno di AVP tabata retene premie di empleadonan di Serlimar y desde mei 2015 nunca mas a traspasa esaki cual a suma Afl.7.3 miyon florin. Mescos cu placa di ATA unda 22 miyon florin no a wordo traspasa. AZV alrededor di 27 miyon mientras tur e companianan cu a duna servicio na gobierno un debe di 33 miyon florin. Asina por sigui traha e lista. TNO y Phillips Led Lighting, dos compania Hulandes a wordo paga mas di 10 miyon pa nan bin establece nan mes na Aruba. Mike tabata pio cu Sinterklaas y e companianan aki no a crea ningun cupo di trabao. Gobierno nobo ta sinta cu e batata aki tambe. Companianan na cantidad di promocion ‘PR’, entre otro Tera Group di Patrick Paskel a suta 8 miyon hunto cu Speed. Esaki ta sin conta miyones cu nan a cobra na Utilities, Elmar, WEB, Lotto y RDA. Tur esakinan nos lo haya pronto.

 

Mas malgastamento

Nan amigo Oscar Fernandes cobrando alrededor di 30 mil pa luna y desde maart 2017 e tin 3 contract di 5000 florin pa luna cual ta suma 15 mil pa luna. Un tal Sebastian cobrando 27 mil pa luna pa promove Mike riba Facebook. Secretaria general tambe tabata autorisa pa gasta 2 mil dollar pa luna riba creditcard di gobierno  pa promove AVP riba Facebook. Love Festival a ricibi 350 mil florin pa un proyecto. Interprint tambe a strica miles di florin. Tur esakinan den combinacion cu e ladronicia di tereno entre kantoor di Benny y un tal Leoncita.

Nos ta trahando duro pa pronto entrega kehonan oficial cu hopi prueba. Corupcion den Hospital, cual tambe lo wordo investiga. Actualmente por a compronde cu camanan den Eerste Hulp a bin robes, no tin suficiente computer, no tin mashin pa check presion, cashinan nobo den Eerste Hulp ya a kibra. Pues masha hopi keho ta drentando, anto pueblo mester bay paga 29 aña largo 29 miyon pa e proyecto aki. Green Corridor den un problema serio cual Coalicion aki mester bay resolve. Si suma un poco di e lista aki mester conclui cu Mike Eman y AVP a laga Aruba “MACHIKA.” E bon noticia ta e Coalicion aki lo percura pa drecha lo maximo den corto tempo pa salvaguardia interes di e pida baranca aki.