Fraccion di POR rindiendo homenahe na Betico Croes riba su fecha natal

Diahuebs 25 di januari Fraccion di POR tabata presente na Plaza Betico Croes pa asina rindi homenahe na e gran personalidad aki cu a logra asina hopi pa nos isla y cu lamentablemente no ta cu nos mas.

Pa prome biaha cu tanto miembronan di Fraccion di POR, Marisol Lopez-Tromp y Alan Howell, como tambe e ministernan di Gabinete Wever-Croes Otmar Oduber y Andin Bikker  tabatin e honor como parti di Pueblo Orguyoso y Respeta, POR,  di celebra e natalicio di nos libertador y no tabatin miho momento cu recorda cu 80 aña pasa e gran persona, politico, lider y estadista a nace.

Fraccion di POR ta manda palabranan di pabien na henter Aruba cu celebracion di Dia di Betico.