Falta di preferencia a causa accidente entre dos auto, ariba brug di Wilhelmina Park

L.G.Smith Boulevard – Dialuna marduga polis a bay ariba e brug di Wilhelmina Park, pa un accidente.
Na yegada polis ta topa cu un Daewoo Racer y un Toyota Glanz, ambos basta leu di otro.

Segun nos a compronde e Daewoo bayendo pariba a bay pa drenta e caya dilanti Maria Christinastraat, pero no a calcula e distancia di e Toyota Glanza.
E Daewoo Racer ta dal e Toyota parti dilanti, poniendo e perde control y sigui bay pabou ranca algun pion di cement banda pazuid di caminda.

Ningun persona a resulta herida.