Home » Parlamentario Endy Croes ta reaciona riba Marlon Sneek di AVP: Ki ora Bo mishi cu Minister President di e pais aki Bo por spera reaccion

Parlamentario Endy Croes ta reaciona riba Marlon Sneek di AVP: Ki ora Bo mishi cu Minister President di e pais aki Bo por spera reaccion

by Admin
0 comment 54 views

“Nieuwe  bezems vegen schoon”

Parlamentario Endy Croes ta reaciona riba un articulo cu parlamentario Marlon Sneek, lider di fraccion di AVP a skirbi diasabra ultimo unda e ‘colebra’ aki a ataca Promer Minister di Aruba. Segun Marlon cu Evelyn ta kere cu ta Mike ta goberna ainda. Tambe e ‘colebra’ a acusa coalicion como culpabel di e situacion entre Venezuela y Aruba. E cantaleta y gañamento aki ta tipifica e politica bieu di AVP. No ta pornada Baba Herde ta campando den oficina di Marlon na parlamento henter siman pasa. Fiesta a caba pa Baba pero ta manera cu e no kier bay cas. Baba hunto cu Harold Faro y Henny Eman ta esnan cu ta skirbi cantidad di articulo pa e parlamentarionan di AVP kendenan ta mustrando di ta hopi zwak. E parlamentarionan nobo di AVP den combinacion cu algun bieu no ta ni vocifera nan voz durante reunionnan publico. Que desastre!  Gobierno actual a hereda un ‘desaster financiero’ cual nos ta deal cu ne actualmente. No ta pornada pueblo a rechasa AVP cu 10 mil voto. Esey ta un golpi pero formal y cual mensahe ta uno ‘loud and clear’. Na Papiamento crioyo “boso baha na awa”.  Marlon Sneek mester gradici algun colega cu a entrega nan retiro for di parlamento pa e por a haya un cabe’i boto pa drenta un biaha mas. Tin otronan ainda ta yora tur dia paso nan a keda afo. E gobierno actual na un manera inteligente a atende cu e situacion di Venezuela. Durante reunionnan por a bin compronde cu ta for di 2016 Venezuela tabata pidi Mike Eman y gobierno anterior pa tuma cierto accionnan primordialmente riba tereno di waf na Barcadera pero tur intento tabata envano. Tin rumornan fuerte ta core cu e gobierno anterior tabata cera wowo laga tur cos pasa a cambio di placa pa core campaña.  Inicio di januari 2017 Mike y su gang no tabata worry cu ningun hende mas ni tampoco tabata atende cu e asunto di Venezuela paso Mike y Marlon tabata den pleno campaña. Si no ta den truck di Elmar ta pega luz led, nan tabata den truck ta basha asfalt of marduga hunto riba truck di Serlimar ta piki sushi. Manera un dicho famoso: Marlon y Mike ta manera dos boonchi den un baliña. Consecuentemente banda di e situacion financiero desastroso cu AVP a laga atras, Prome Minister Evelyn Wever Croes a hereda tambe e problematica aki di Venezuela den su prome simannan di gobernacion. Den corto tempo autoridadnan di Venezuela a wordo ricibi den Cocolishi pa atende cu e situacion delicado aki na un manera hopi serio y inteligente.  Mester refresca memoria di Marlon cu e gobierno actual a ricibi un Cocolishi y Bestuurskantoor na werki. A corta tur cabelnan di telefoon, a bay cu masha hopi computer, camara, lessenaar y no tabata tin ningun documento cu a wordo laga atras y hasta a bay cu e harddisk di e server.  Aki claramente pueblo por reconoce e ‘chollernan’ cu a maneha nos pais ultimo añanan. Awor tin un biento nobo ta supla y cu pasenshi lo sa di drecha e chaos unda henter comunidad poco poco pero sigur lo sa di Sinti e Cambio. Nieuwe bezems vegen schoon! Nieuwe Leiders pakken de zaken grondig aan!  

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio