Home » Dokter Vallejo y famia a subi caya pa yuda colecta placa pa Kyrenne

Dokter Vallejo y famia a subi caya pa yuda colecta placa pa Kyrenne

by Admin
0 comment 81 views

Oranjestad – Diasabra henter dia, famianan, amigonan, conocirnan y tur cu ta aprecia Kyrenne Croes, a sali riba caya y na diferente caminda a para cu un box pa asina e pueblo di Aruba por a aporta na salud di Kyrenne.

Kyrenne Croes ta un mama hoben cu hunto cu su pareha aña pasa Februari a haya un accidente hopi grave, ela keda un tempo largo den coma y segun su famia awo cu ela sali di e coma e lo por bay tuma tratamento y terapia na un Clinica na Colombia pa e por recupera.

Mirando cu actualmente e ta cla pa bay Colombia y nan ta wardando riba desicion di AZV, e famia ta haya cu e ta tardando y esaki sigur no ta den ventaha di Kyrenne.

E famia a dicidi cu nan no ta bay warda mas riba AZV, pero ta bay pidi e pueblo di Aruba pa duna un man, un ayudo pa asina Kyrenne lo por yega Colombia y cuminsa cu su tratamentonan pa mehora su salud.

Varios caminda na Aruba nos por a mira e colectantenan. Na rotonde di Dadelstraat nos a bin topa cu Dr.Vallejo kende hunto cu su señora, un ruman di su señora y su yiu Arthur Vallejo candidato di MEP, cada un tabata para cu un box colectando, varios auto tabata pasa y e ocupantenan tabata pasa haci nan donacion.

Esaki sigur ta di aprecia un Dokter cu su famia ta subi caya pa yuda colecta placa pa bienestar di su pashent. Dr.Vallejo sigur tin bida di su pashentnan na prome lugar, e hecho aki ta demostra cu e Dokter tin fe y speransa cu Kyrenne lo por recupera y biba un bida mas miho.

Nos di arubanative.com ta desea Kyrenne su famia hopi forsa y cu ayudo di e pueblo di Aruba, Kyrenne pronto lo por biaha pa Colombia.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio