64
Sr. Di-Estefano Wernet Director di Lotto pa Deporte a haci un bishita na Baby Beach pa mira cu su mesun wowonan con duro e teamnan di TK ta preparando pa Surinam. Sr. Wernet a topa cu e atletanan y a bisanan algun palabra di motivacion na e atletanan.
Master Eric Barry di San Nicolas Taekwondo Center tambe tabata presente na e training aki. Training pafo di gymzaal semper ta mas duro. Riba e santo blanco na Baby Beach e training ta mas pisa ainda. E training ta hopi intensivo y ta algo cu sa haci cada un siman ariba diasabra. Alberto Klabér ta pone tur cu tin pa asina e teamnan di Aruba ta bon prepara.
Nan ta train duro pa ta bon prepara pa bin cu e copa y Aruba tin dos bon team. E team di TK5 ta bon prepara pa e di 7 TK5 cu ta tuma luga na Paramaribo, Surinam e dianan 14 pa 19 di Februari. Aruba su dos teamnan ta consisti di 5 atleta hubenil pa e TK5 y 3 atleta cadet pa e TK3. E dos teamnan lo sali dia 14 di Februari pa Surinam y e evento mes ta dia 16 di Februari.
Nos ta gradici sr. Di-Estefano Wernet pa su bishita y tabata testigo di nos training. Dia 3 di Februari nos ta bay train na Seroe Alejandro y ta bay ta e ultimo training pafo prome cu nos bay Surinam.