Home » AVP ta culpable di otro crisis mas

AVP ta culpable di otro crisis mas

by Admin
0 comment 57 views

MIKE EMAN NO KIER DRENTA PARLAMENTO DI ARUBA PA BAY PARLAMENTO DI EUROPA

 

Den ultimo dianan por a tuma nota di varios comunicado di prensa di AVP den cual ta papia di e biahe di Mike Eman pa Hulanda. Ta importante pa enfastisa cu MIKE EMAN NO TIN AUTORISACION PA PAPIA DEN NOMBER DI ARUBA!

Mike Eman, manera ta custumber, ta purbando di daña nomber di Gobierno di Aruba, pero a dal su dede pasobra e ta hayando hopi critica na Hulanda.

 

Un di e criticanan cu politiconan hulandes a expresa na dje ta con a por a laga gobernacion atras sin traspaso drechi na e gobierno nobo. Ta con e por a hinca 300 hende den gobierno den su ultimo dianan. Ta dicon e no a haci caso na e ponencianan di Venezuela ya desde 2016, di contrabando cu awor a hinca henter Reino den problema.

 

Esaki ta algo cu politiconan hulandes no ta compronde, y tur a puntr’e den su cara. Naturalmente Eman no tabata tin contesta pa nan.

Pero locual cu mas a hala atencion ta e anuncio di Mike Eman cu e no kier bay Parlamento di Aruba. El’a dicidi cu e kier bay Parlamento di Europa! Pa esey e mester bay biba na Hulanda y definitivamente bira lomba pa su votadornan aki na Aruba.

Votadornan di dje na Aruba ta puntra dicon e no tabata honesto cu nan prome cu eleccion? Lo nan no a benta nan voto afo di e forma ey. Un acto cu hopi den ceno di AVP ta considera un acto di cobardia, cu Mike Eman cu a wordo eligi pa representa su 8 mil y pico votador den Parlamento, a bira lomba pa nan, pa bay Europa.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio