Avenida Milo Croes – Diahuebs marduga polis a bay altura di Hagemeyer situa ariba Avenida Milo Croes, caminda un homber tawata maltrando un muhe.
Na yegada di patruya nan ta mira con e homber ta chocando e muhe, esaki tawata contra e muraya.
Cu su man drechi e tawata choka e muhe y alabes dal e contra e muraya.
Durante cu polisnan a baha pa bay atende, nan a mira cu den su saco di carson patras e tin un cuchiu.
Momento cu ela mira polis ela laga e muhe bay y a saca e cuchiu cu tawata den su saco carson drechi.
Mes ora e dama a cuminsa conta polisnan kiko a pasa y cu e homber di inicial W naci na Jamaica, ta su ex. Un rato prome e muhe aki tawata sinta den patio patras cu un amigo ta papia y dado momento lo a wak e homber W bula cura. Ela cana bin cerca e muhe y cuminsa dal cu mokete den su cara.
E amigo mes ora a core bati alarma cerca otro habitantenan. Na nan turno nan logra stop e homber W cu e maltrato y bise pa e bandona e sitio, loke ela haci tambe.
Pero, momento cu e muhe a bay pa hiba su amigo cas e ta ripara cu e homber ta pafo. Aki W a cuminsa un biaha mas cu e maltrato y aki ta caminda cu e patruya a yega y a detene mes ora.
Durante su detencion ela wordo rista y agentenan a haya un cantidad chikito di droga.
Ela wordo transporta directamente pa warda caminda ela keda encarcela.