Tanki Leendert – Diabierna atardi polis a bay altura di Misa na Tanki Leendert, caminda un caso di maltrato lo a sosode.
Den cercania tawata tin un oficial di motor unit cu a yega mes ora.
Loke e por a wak con e agresornan tawata bayendo den un Honda CRV color cora, altura di rotonde Tanki Leendert e ta perdenan for di bista, pero si ta logra wak e plachi number.
Esaki tawata registra na un adres na Primavera.
Bek na e Misa
Eynan patruya ta papia cu un dama cu ta mama di e mucha homber cu e tres hobennan den e Honda a maltrata, door di skop e repentinamente.
Momento cu mama di mucha homber a bay trata na stop nan di abusa di su yiu, nan lo a bira pe tambe y danki Dios un persona pasando eybanda a gritanan.
E momento ey nan a ripara cu hende ta bezig ta waknan y sigur lo a yama polis nan core subi e Honda y bay direccion rotonde di Tanki Leendert.
