Diaranson ultimo a tuma lugar e evento di e lansamento di e cantica “Machika” caminda
Minister encarga cu Turismo, Salubridad Publico y Deporte Sr. Dangui Oduber tabata tin e gran honor di forma parti di e evento aki.
E anochi aki tabata uno priva y tabata tin hopi invitado, incluyendo diferente Ministernan y miembronan di parlamento, e tabata un anochi hopi ameno presenta pa Elite Productions. Durante e evento aki e tata di Jeon, Sr. Robert Thiel y tambe su bon amigo Raymbert Bikker a hiba bunita discursonan cu palabranan cu a sali di curason cu tabata sumamente emocionante.
Nos excelencia Minister Dangui Oduber tambe a dirigi algun palabra pa Jeon caminda Minister Dangui Oduber a elogia Jeon pa su talento, dedicacion y perseveransia cu a hasi cu Jeon ta caminda eta awe. Minister Dangui Oduber a mustra tur hende cu Aruba ta apoya y brinda tur su yiunan di tera cu ta traha duro e posibilidad y oportunidad pa logra nan sonjo. Minister Dangui Oduber a termina felicitando Jeon y henter su famia.