Calypso & Roadmarch Infantil y Hubenil 2018 diadomingo awor

62

 

 

Informacion general di festival

Fecha festival: 21 januari 2018

Lugar festival: Carnival Village

Orario porta: Porta ta habri 6:00pm

Orario festival: 6:30pm – 11:00pm (vergunning 12:00am)

Festival di Calypso & Roadmarch Infantil – Hubenil 2018 ta dedica na Lacey Albus

Comishon: Edselyne Figaroa (Presidente) (contact 5938177)
Mieckey Gravenhorst (contact 5672688)
Clarissa Arrindell (contact 5934679)
Jerusha Arends (contact 7312653)

Maestro cermenonia: Jean Carlos Espinal

Hurado: 7 hurado cu derecho di voto
President di hurado sin derecho di voto
Controller (apunta door di comishon)

Cantidad di participante: Pre-infantil → 6 participante (6 RM / 3 Caly)
Infantil:       → 8 participante (8 RM / 2 Caly)
Hubenil:      → 8 participante (8 RM / 3 Caly)

Band: Quality Jamzz (Markkeys Maduro)
Coro: Giliane Wester
Coro: Veloushka Krozendijk
Coro: Gregory Vasquez
Campana: Lendle Loefstop
Conga: Eddy Maduro
Guitara: Elimar Kock
Drum: Antonio Ras
Director: Markkeys Maduro

Tira lot: Diasabra 20 jan 2018
4:00pm – 5:00pm Mc Donalds Seroe Blanco

Training: Diadomingo, dialuna, diamars, diaranson, diahuebs 7:00pm
Diabierna liber
Diasabra generale training tentative Carnival Village 1pm – 3pm

Entrada: AWG 5.00p/p
Citgo Blvd, Citgo Sta Cruz, Citgo Essoville, SMAC

 



Premiacion cada categoria
—————————————————————————————————-

Den cada categoria lo escohe:

Roadmarch:

Ganador
2do lugar
3er lugar

 

Calypso:

Ganador

Extra premiacion:
– Rookie of the year – den cada categoria
– Best Costume – den cada categoria
– Social media – den cada categoria



Hurado y reglanan
—————————————————————————————————-

Hurado:

President di hurado sin derecho di voto
7 miembro di hurado
Controller pa conteo di punto (di comishon)

Punto cu lo huzga:

Voz 40-100 punto
Letra/melodia 40-100 punto
Arreglo 40-100 punto

Best costume 10-50 punto
Rookie of the year y Social medio ta wordo saca door di comishon

Reglanan y criteria pa miembronan di hurado:

1. Un bon miembro di hurado mester ta:

• Integro, e.o. no ta informa publicamente cu eta un miembro di hurado
• Neutral: e NO mag di tin NINGUN cantante favorito y e mester huzga mas objectivo posibel a base di su experencia y experticio.

 

1. Un bon miembro di hurado ta tene su mes estrictamente na e reglanan/criterianan di e festival.

 

1. Ta consehabel pa organisadornan tin e cuerpo di hurado aparta for di publico, pa evita mas tanto posibel contacto cu e publico y pa Evita tur clase di critica. Pesey un suplica na e meimbronan di hurado pa no bandona e pit, na unda e cuerpo ta sinta.

 

1. Durante cu e festival ta andando NO por haci uso (consume) di alcohol.

 

1. Durante cu e festival ta andando NO por huma na mesa.

 

1. Durante cu e festival ta andando NO por haci uso di cellular etc etc. Den caso di forsa mayor (p.e. pending di un jamada hopi importante), e Presidente di Hurado mester wordo informa prome cu e festival inicia.

NOTA: e festival ta termina, na momento cu e ganadornan a wordo anuncia oficialmente na e publico dor di e MC.

 

1. Tur miembro di hurado mester ta presente na ora, na e lugar di actividad, stipula door de presidente di hurado.

 

1. E vestuario di un miembro di hurado mester ta representabel y apropia. Pues: NO mag:

Sportbroek, keds, slof, sandalia, t-shirt.

 

1. Tur desishon tuma den un cuerpo di hurado mester keda secreto den seno di e cuerpo di hurado.

 

1. Pa cualkier idea positivo y/of remarca por manda esaki(nan) libremente por escrito pa e Presidente di hurado y/of comishon organisatorio.

 

Puntonan sumamente importante pa Huradonan y Mayornan

1. Desde e promer cantante te cu e ultimo cantante lo NO tene cuente cu e “Public Appeal”. Motibo pa esaki ta cu esun cu cuminsa canta promer hopi biaha ta haya un publico chikito, mientras cu esun cu canta ultimo tin chens pa haya un publico grandi.

NOTA: si tin premiacion pa “cantante mas popular” e juzgamento ta bai a base di apoyo di e publico. Esun cu bende mas ticket lo haya un extra bonus pa por conta hunto cu evaluacion di e huradonan den e scoringsheet di “Cantante mas popular”.

Simplemente: un tumberito cu wordo premia como “cantante mas popular ” NO necesariamente mester cay den e finalistanan!  

 

1. Extremo den puntuacion tanto abao como halto hurado lo elimina.

 

1. Si tin empate na final di e competencia, e HURADO ta dicidi ken ta e ganador. Pues NO por tin empate.

 

1. E cantante (tumberito) tin 2 minuut pa presenta su tumba, despues di wordo introduci door di MC.

 

1. E tumba participante mester ta MAXIMO 5 minuut y 15 seconde, incluyendo e show. Na momento cu pasa 5.15 minuut, lo kita lastimamente 50% di strafpunten for di e totalidad. Pues e compositor y/of arreglista mester tene bon cuenta cu e punto aki.

 

1. Tur tumberito mester presenta den un vestuario carnavalesco, si e kier cay den premiacion pa e mihor “Trahe Carnavalesco”.

 



Reglanan di puntuacion pa huzgamento Tumberito Festival 2018

( mayornan y hurado )

 

Voz:

• Entonacion: e interprete mester ta canta den tono.

Melodia di canto, locual ta ser canta, mester cuadra cu e harmonia (accoordnan).

Cantante mester yega bon y limpi tanto tononan halto como e tononan abou (range)

• Mester tende y compronde e texto cu ta canta y tambe e accento mester ta na lugar.
• Mester canta den tempo (compas) correcto.

 

NOTA: ta uza unidad p.e. 47, 63, etc ……………………….. ( 40 – 100 )

 

Iterpretacion:

• E cantante mester trece e mensahe di e tema di un manera corecto, duidelijk y limpi dilanti. E mensaje mester wordo transmit atravez di su canto.

NOTA: ta uza 5vd, por usa unidades ……………………….. ( 40 – 100 )

 

Articulacion:

• E cantante mester canta duidelijk. E letra di e cancion mester ta duidelijk pa tur hende scucha sin cu mester lesa esaki pa compronde.

NOTA: ta uza 5vd, por usa unidades ……………………….. ( 40 – 100 )

 

Ritmo:

• E cantante mester canta riba e tempo di e cancion.

NOTA: ta uza 5vd, por usa unidades ……………………….. ( 40 – 100 )

 



Participante
—————————————————————————————————-

Categoria Pre – infantil

Categoria Infantil

Categoria Hubenil



Programa di Festival
—————————————————————————————————-

Festival di Calypso & Roadmarch Infantil / Hubenil 2018 ta wordo dedica na Laycee Albus

6:00 Porta ta habri

6:30 Tur cantante mester ta presente

6:30 – 6:35 Himno di Aruba lo wordo canta door di Laycee Albus

6:35 – 6:40 MC ta jama tur hende Bon Bini y ta gradici tur e sponsornan cu a hasi e festival posibel. Ta jama sra Shannon Henriquez, president di SMAC

6:40 – 6:45 MC ta presenta huradonan

6:45 – 6:50 MC ta introduci e banda y su integrante nan

6:50 – 7:00 Warm up Quality Jamzz

7:00 – 8:00 Presentacion di Pre – Infantil (6 participante – 9 cancion)

8:00 – 8:05 Presentacion ganador Roadmarch Infantil 2017 Lacey Albus

8:05 – 8:10 Presentacion ganador Tumberito Infantil 2018 Xenon Daal

8:10 – 8:30 MC ta jama prins y pancho nan y reina nan pa subi stage y hurado ta retira un rato pa hasi e conteo di voto pa resultado pre-infantil

8:30 – 9:00 Entregamento di Premio Pre-infantil

9:00 – 10:00 Presentacion di Infantil (8 participante – 10 cancion)

10:00 – 11:00 Presentacion di Hubenil (8 participante – 11 cancion)

11:00 – 11:05 MC ta despedi di miembronan di hurado pa nan por hasi conteo final y alavez ta gradici MAC4U, cu awor danki na MAC4U cu huradonan por tin nan Ipad pa asina e votacion y conteo po bai mas lihe.

11:05 – 11:10 Presentacion ganador Roadmarch Hubenil 2017

11:10 – 11:15 Presentacion ganador Tumberito Hubenil 2018 Jalin Croes

11:15 – 11:30 MC ta gradici e sponsornan cu a yuda pa hasi e actividad posibel

11:30 – 12:00 Entregamento di premio Infantil y Hubenil

Lacey Albus
—————————————————————————————————-

Lacey Dayanara Albertina Christina Albus a nace 11 di okt. 2004 y como cu su mayornan ta musico/ cantante, Lacey a lanta den un cas y un bida yena di musica. Semper e tawata baila y canta y temporada di Carnaval e ta cla para dilanti televicion pa wak Roadmarch contest pa asina wak su mama Livette Richardson aka “Dancing Queen” y tambe un di su otro artista nan preferi “Mighty Campo” canta.

 

Na edad di mas o menos 3 aña, Lacey su mama a hibe pa prome biaha bai wak Calypso y Roadmarch contest Infantil/Hubenil y  eyden mes e la bira bisa “mami ami tambe ta bai canta noh?”. Tur aña e tawata pidi su mama pa participa, pero su mama tawata sinti cu porta e no tawata cla pa un stage asina grandi, ya cu canta dilanti spiel ta otro cu canta dilanti un publico enorme.

 

A dura 6 aña largo prome cu Lacey a convence su mama pa lage participa na e competencia aki. Y  aña 2014, cu edad di 9 aña, ta caminda cu Lacey a mustra na su mama cu ta mami no tawata cla pero cu Lacey mes tawata cla for di hopi tempo caba.

Ora mester a busca un compositor y areglista, A aserca e persona cu Lacey tawata admira asina hopi aña y cu Lacey tawata conose caba cu ta  Maicky Oliva aka “Mighty Campo”. Maicky a conhuntamente cu Eddy James (areglista) a traha Lacey su prome Roadmarch cu a hiba e titulo di “Jump on the bus”. Y cu e cantica aki, participando pa prome biaha, Lacey a gana su prome corona.  

 

Aña 2015 Lacey a bolbe subi escenario pa defene su corona cu Su cancion “Ban Spel”cu a wordo componi pa Maicky Oliva y  aregla  pa Rodney van der Biezen. Un cantica cu a wordo forma door di un conversacion tocante scol entre Lacey  y su compositor. Y abase di e contesta nan di Lacey a crea e cancion “Ban spel”.  Cu e cancion aki Lacey a gana su di dos corona.

 

Preparando pa Roadmarch  contest  2016, Lacey a bin cu e idea di traha un cantica abase di e “Drum line” cu e la wak na television. E la duna su compositor Maicky y areglista Rodney e idea y di eynan a crea e cancion “Drum line”. Y cu e cancion aki Lacey a gana su di tres corona.

 

Na 2017 manera semper, Lacey a reuni  for di trempan cu su compositor Maicky y hunto a pone hopi ideanan riba papel. Pero esun cu a wordo escohi tawata Lacey su idea cu a bira e cancion “Transformers in d’Party” cu a wordo aregla tambe pa Rodney van der Biezen. Cu e cancion aki Lacey a gana su di 4 corona.

 

Lacey a participa di 2014 pa 2017 den Roadmarch infantil y conquistando tur aña e corona y asina sera su temporada den categoria infantil.

 

Lacey no solamente a participa na Roadmarch contest pero a participa tambe entre otro na Festivalnan di canto di su scol, Y Voz-i- Landia.

E ta un mucha cu disiplina pa train pa su competencia nan y mas cu claro zorg pa su scol keda na ordo. Di cas a siñe pa semper keda humilde y contento, ni maske kico pasa y trata tur hende bon y esaki Lacey ta practica tambe cu tur hende/mucha rond di dje.

 

E aña aki Lacey a tuma un break pero otro aña  pa Carnaval 65, hunto cu su team Lacey e lo ta bek riba escenario pa asina participa pa prome biaha den categoria Hubenil.