Secretario di estado Raymond Knops di Binnenlandse Zaken y Koninkrijksrelaties a haci un bishita di trabao siman pasa na Aruba, Bonaire y Curaçao. Na Aruba el a bishita, entre otro, procurador-general Alexander van Dam. Ademas el a haci conoci cu RST (Recherche Samenwerkingsteam) na Aruba y cu Afpakteam.
Anteriormente e secretario di estado a declara den un entrevista cu su intencion cu e bishitanan di trabao y e conversacionnan ta pa e haya un un impresion di nos islanan y pa e wordo informa tocante e ambicionnan y challengenan cu ta existi.
Particularmente e encuentro cu Afpakteam di Aruba a bay masha bon mes. E Afpakteam ta traha na combati criminalidad financiero economico y tin como lema ‘crimen no por paga’. E secretario di estado tabata impresiona cu e trabao cu e Afpakteam a haci desde cu el a wordo funda siman pasa na maart y e hopi exitonan cu a wordo logra.
E afpakteam ta un cooperacion entre Ministerio Publico, Cuerpo Policial di Aruba, Aduana di Aruba, Fiot (Fiscale inlichtingen- en opsporingsteam) di Departamento di Impuesto (DIMP), FIOD (Fiscale Inlichtingen- en Opsporingsdienst), Koninklijke Marechaussee (KMar), Kustwacht di Aruba, Meldpunt Ongebruikelijke Transacties, y RST (Recherche Samenwerkings Team).