Home Lifestyle Earplugs Campaign

Earplugs Campaign

SHARE

Bon tardi tur esnan presente. Na prome lugar mi kier gradici nos miembronan di prensa pa semper coopera cu Quota, entre otro durante periodo di carnaval, na unda semper nos ta haci nos esfuerso pa concientisa pueblo tocante importancia di cuido di oido. Masha danki pa boso precencia y naturalmente danki tambe na nos invitadonan di WEB, meneer Glenn Rock, y All safety Wear, meneer Roberto Robins, cu a yuda nos pa realisa nos earplugs campaign.

Nos ta hopi contento pa wak for di algun ana caba, cu tur e añanan di concientisacion ta cuminsa duna nan fruta. Muchanan ta mas conciente di e peligernan di zonido duro, y nan por aplica e conosemento aki entre otro, durante paradanan di carnaval. Como parti di nos earplugs campaign, Quota a bay, y ta bayendo diferente scolnan basico na Aruba pa duna charla tocante importancia pa cuido di oido, na unda nos ta ripara un gran interes den e topico di parti di directivanan di scol y e muchanan. Pa por realisa e proyecto aki, nos semper por conta ariba servicio di WEB, cu ta duna Glenn Rock, safety coordinator na WEB, e espacio pa yuda Quota cu charla tocante oido,  y Wim Willems, office manager na FEPO, cu for di algun aña, tambe ta bay e scolnan selecta, hunto cu e damanan di Quota, pa duna e charlanan aki.

Pa concientisa e pueblo adulto, nos a bay diferente programanan na radio y television pa duna aviso y tips con pa proteha e oido. Asina nos ta purba yega na tur e diferente range di edad, di jong pa mas grandi.

E mas importante pa corda ta, pa no para mucho cerca di e speakernan, ya cu earplugs no por evita dano di oido, pa via di e zonido sumamente duro cu ta sali for di e speakernan aki. Mas cerca di e speaker ta para, mas duro e zonido ta drenta den e horea. Mantene un distancia di sigur 10 meter, y percura pa bisti bo earplugs of otro tipo di proteccion di horea.

Manera añanan anterior, pueblo di Aruba por conta ariba nos presencia durante tur e paradanan di carnaval cu ta tuma lugar den dia, na unda nan por cumpra nan earplugs cerca e damanan di Quota pa e suma di 1 florin. Pueblo por reconose nos pa nos t-shirt blauw cu nomber di nos club, ‘Quota’ na letter blanco riba dje. Nos a cuminsa bende nos earplugs durante parada di blaas diadomingo pasa, na unda nos a ripara cu e demanda pa cumpra earplugs ta grandi. Nos tin confiansa cu esaki ta set e tono pa e resto di paradanan.

Masha danki pa boso atencion y cooperacion. Mi ta bay duna palabra na Ivy Simon, nos vice-president di Quota, cu lo comparti algun otro cos mas cu boso.