Home » Rocco Tjon Parlamentario Lider di Fraccion MEP: Opnion tocante e tema Green Corridor

Rocco Tjon Parlamentario Lider di Fraccion MEP: Opnion tocante e tema Green Corridor

by Admin
0 comment 59 views

Durante reunion publico Minister Otmar Oduber a duna un relato di e proyecto “Green Corridor” cu el a hereda. Motibo pakico esaki a tuma lugar aworaki ta pa motibo cu e proyecto ta den un estado critico, cual lo tin consecuencia financiero desastroso pa pais Aruba.

 

Como parlamento a ricibi diferente documento for di cual por a mira cu for di aña 2016 e minister anterior a wordo notifica di e estado alarmante di e proyecto. Un di e prome tareanan cu a wordo haci door di fraccion di MEP ora a drenta den e constelacion aki, ta inventarisa tur documento relevante pa cu e proyecto aki. Remarcable ta cu falta masha hopi documentacion y e pregunta cu ta surgi ta con e parlamentarionan anterior, cu a aproba e proyecto, tawata controla e gobierno anterior.

 

Parlamentarionan di coalicion a entrega un mocion pa apodera e minister en cuestion pa inicia negosacionnan pa asina limita e daño pa pais Aruba. Na mes momento tambe a pone un clausula cu e minister mester bin bek parlamento prome cu compromete. Esaki pa garantisa integridad y transparencia.

 

Hecho ta cu locual a wordo construi te cu aworaki no ta wordo valida door di e “independant technical consultant” y “deadlines” no ta wordo cumpli cun’e. Y esaki por a wordo evita si a tene cuenta cu documentacion fecha na aña 2016 cu tawata señala esaki.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio