Home Politics Minister Chris Romero lo evalua un rebaho di e tarifanan di Arubus

Minister Chris Romero lo evalua un rebaho di e tarifanan di Arubus

SHARE

Cu e meta prinicipal pa tene e ser humano central, y como parti di e restructuracion di nos compania estatal encarga cu transporte publico, esta Arubus NV, Minister di Transporte, sr. Chris Romero, lo studia e posibilidad pa implementa un rebaho den e tarifa di Arubus.

 

Minister Romero a indica caba cu cambionan drastico mester bay tuma lugar na corto plazo den Arubus NV, y un di e cambionan ta un eventual rebaho den e tarifa cu ta cobrando pa transporte publico.

“No por ta asina cu bo tin un departamento cu lo mester ta social, pero ta cobrando tarifanan haltisimo pa nos pueblo.”

 

Minister Romero ta convenci cu esnan di menos recurso mester por tin e posibilidad pa transporta nan mes pagando un tarifa cu ta ahusta na nan entrada.

Transporte ta algo vital aki na Aruba y den caso di transporte publico, esta Arubus, mester hasi esaki lo mas accesibel posibel pa esnan cu ta depende di dje pa yega nan destino.

 

Den e simannan nos dilanti Minister Romero lo sinta cu un comision cu lo ta encarga pa studia tur posibilidad pa baha e tarifanan actual di Arubus, pero cu tambe lo bay atende cu otro aspectonan pa mehora e servicio pa e usuarionan.