Home » “Mike semper ta pensa den oportunidad y posibilidad y den e contexto ey nos a papia”

“Mike semper ta pensa den oportunidad y posibilidad y den e contexto ey nos a papia”

by Admin
0 comment 66 views

Lider di Christen Unie Gert-Jan Segers despues di encuentro cu Mike Eman

ORANJESTAD/DEN HAAG- Durante su bishita cortico na Hulanda lider di AVP manera semper tin un agenda sobrecarga. El a bishita varios prominente, entre nan lidernan politico. Gert-Jan Segers, lider di fraccion di Christen Unie ta otro politico cu Mike Eman hunto cu Juan David Yrausquin a bishita.

Segers: “Eman y ami conoce otro hopi bon. Nos a papia riba e relacionnan dentro di Reino y muy en particular e relacion entre Aruba y Hulanda. E relacionnan ta bon y nos a papia con mehora e relacionnan aki mas ainda pa den futuro. Con den contexto di Union Europeo nos por traha den un bon forma cu otro y hiba e cooperacion aki riba un plan mas halto. Mike semper ta pensa riba oportunidad y posibilidadnan y den e contexto ey nos a papia cu otro.”

Segers a bisa cu Aruba ta e ‘stronghold’ di e parti Caribense di Reino pa mundo, sigur tambe den direccion di Latino-America. “Aruba ta e hub pa otro partinan di mundo unda nos tin menos entrada. For di Aruba nos por drenta otro mercadonan. Nos por traha hunto cu Aruba y via Aruba cu otro paisnan. Den esaki nos por fortifica otro y crea un situacion win-win.”

Pa loke ta e oportunidadnan cu Union Europeo ta brinda Segers ta bisa cu hunto mester haci mas uzo di nan. “Esaki ta conta pa Aruba, pero tambe den e cooperacion entre Aruba y otro islanan manera Islanan Canaria siemper den contexto cu Union Europeo. Madeira p.e. ta forma un parti grandi di Union Europeo y tin mas bentaha tambe di UE. Di e mes manera e parti Caribense tambe por forma un cooperacion cu Union Europeo. Esey tabata un tema cu nos a papia ampliament riba dje y  nos ta bay explora esaki tambe pa futuro.”

Segers a bisa cu loke ta pasando na Venezuela ta masha preocupante. Sigur pa loke ta e reaccion di Venezuela den direccion di e islanan Caribense di Reino. “Nos ta sigui tur esaki di cerca y tur e disturbio cu tin na Venezuela y kico ta e consecuencia p.e. di inmigracion di refugiadonan pa e islanan. Den esaki tambe mester bin un bon cooperacion”, lider di CU a termina bisando.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio