Home Politics Ex Promer Minister Mike Eman a reuni cu Presidente di CDA Ruth...

Ex Promer Minister Mike Eman a reuni cu Presidente di CDA Ruth Peetoom “CDA y AVP lo sigui crea oportunidadnan pa Aruba”

SHARE

 

ORANJESTAD/DEN HAAG- Un reunion importante mas cu mr. Mike Eman a sostene na Hulanda ta cu sra. drs. Ruth Peetoom, presidente di Partido CDA. Peetoom a bisa despues di e combersacion cu esaki tabata uno masha importante. “Nos a papia riba desaroyo di Aruba. Nos a papia di e problemanan, e oportunidadnan y kico nos por haci pa yuda y con importante ta cu nos como partidonan por traha pa tin un democracia saludabel.”

 

Peetoom a splica cu AVP y CDA ta traha hunto pa hopi tempo caba y cu e contactonan ta hopi bon. “Mike Eman tin un bon relacion cu Jan Peter Balkenende, kende ta nos ex Prome Minister. Eman ta aki tambe pa mira con nos por construi un brug pa brinda oportunidadnan pa Aruba. E relacionnan dentro di Reino ta masha importante. E islanan Caribense ta parti di Reinot ambe, pesey ta bon pa e relacion ta bon. Esey ta nifica cu nos mesterhaci nos best pa e hendenan cu ta biba den e parti ey di Reino tambe tin perspectiva y oportunidadnan”. Peetoom a bisa tambe cu Secretario di Estado Knops ta un politico di CDA. Peetoom: “Knops lo haci tur lo posibel pa hunto cu e comunidad crea un bon futuro pa Aruba.”.

 

E lider di AVP, mr. Mike Eman a splica di su banda cu aprecio pa e contribucion cu a duna cu  un vision constructivo pa Reino Hulandes ta stimula pa sigui cu e trabao aki. Ta deseo y un compromiso expresa door di ex Promer Minister Mike Eman pa keda activo pa interes comun di Aruba y Reino. Den e cuadro aki tambe su bishita pa e lectura special aki na Den Haag Hulanda y Bruselas a inclui reunionnan pa pone un agenda nobo y escohencia di plataformanan nobo den cual un trayectoria manera cu Eman tabatin por sigui woro uza y sigui ta instrumental na interes di humanidad en general, Union Europeo, Reino y naturalmente Aruba.