Home » Director di Instituto Cientifico di CDA Pieter Jan Dijkman a combersa cu Mike Eman “Nos a expresa e deseo pa sigui traha hunto riba varios tereno”

Director di Instituto Cientifico di CDA Pieter Jan Dijkman a combersa cu Mike Eman “Nos a expresa e deseo pa sigui traha hunto riba varios tereno”

by Admin
0 comment 63 views

 

ORANJESTAD/DEN HAAG – Lider di partrido AVP y ex Prome Minister Mike Eman ta riba invitacion di Societeit de Witte na Hulanda pa duna un lectura eynan. El a probecha di su estadia na Madre patria pa topa cu algun politico y demas personanan cu el a cera amistad cu nan durante su gobernacion. Un di esnan cu Eman a bishita y tene un combersacion cu ne ta Pieter Jan Dijkman, director di Instituto Cientifico di CDA. Na final di e combersacion Dijkman a bisa cu e encuentro tabata uno ameno unda bon palabracionnan a wordo haci.

Dijkman: “Nos a haci algun palabracion cu otro y a expresa e deseo pa sigui traha hunto. Semper tabatin lazonan fuerte entre CDA y su Instituto Cientifico y esun di AVP. Nos a traha hopi hunto. Nos a constata cu e lazonan a bira un poco menos fuerte ultimo tempo y cu ta bon pa estrecha nan bek. Nos por bisa di ta rumannan di e mesun cas. Pesey semper ta bon pa tene contacto y sigur tambe mirando e desaroyonan entre Hulanda y Aruba, mescos tambe e desaroyonan entre Europa y e islanan Caribense cu mester keda enfoca den forma permanente.”

E Instituto Cientifico di CDA ta yuda Instituto Cientifico di AVP cu consehonan ora mester. Nan ta bezig cu un programa di mas aña (meerjaren) . Pronto un rapport lo keda publica di e relacion entre Hulanda y e Islanan Caribense. Eyden lo accentua e relacion entre Aruba y Hulanda y banda di esaki tin posibilidadnan pa yuda otro unda cu por y riba varios tereno manera ideologia di e partido y loke e ta para p’e, posibel maneho y tambe duna charlanan riba e pensamento Cristian Democrata. “Esaki ta inspira hendenan na Aruba, pero ta inspira ami tambe.”

Dijkman ta haya un bon idea si Eman lo bai ta activo riba un nivel nobo pa promove relacionan den reino y pa cu Union Europeo.  “Esaki sin duda ta un paso masha alentador y huicioso. Asina por ehempel Parlamento Europeo por haya atencion pa Aruba y e otro islanan Caribense. Awor esaki no ta e caso. E islanan no ta hayando e atencion cu nan mester haya. Nan ta pafo di e bista Europeo.  Un bes mas, un bon idea, sigur si tene na cuenta cu Aruba y e otro islanan ta parti di Reino Hulandes. Un tremendo paso si un hende di Aruba, un persona di caliber di  Mike Eman, por ta fisicamente den UE. E ta importante pa Aruba pero sigur tambe pa Union Europeo.”

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio