Siman pasa diabierna Staatssecretaris van Binnenlandse zaken en Koninkrijksrelaties Sr. Raymond Willem Knops tabata di bishita na Aruba. Despues cu el a reuni cu gobierno parti mainta tabata tin riba agenda un nieuwsjaar receptie anochi organisa pa VNO na unda tur parlamentario di pais Aruba y invitadonan por a cera conoci un poco mas di acerca cu su persona. Un tiki di biografia di Raymond Knops. Raymond Knops a haci un Officiers opleiding Koninklijke Militaire Academie na Breda. Mas despues Raymond Knops a sigui un opleiding den Bestuurskunde na Erasmus Universiteit. Na 1998 Raymond Knops a wordo eligi den gemeenteraad di Van Horst. Na 2004 te cu februari 2005 nan a haci un yamada na su persona, unda Raymond Knops mester a sirbi Hulanda na Irak como Luitenant Kolonel. Na october 2005 Knops a drenta Tweede Kamer como representante di CDA. Desde aña 2011 pa 2014 Knops a ocupa un funcion den Kamercommissie di Europese Zaken. Desde october 2017 Raymond Knops ta den funcion como Staatssecretaris van Binnenlandse Zaken en Koninkrijksrelaties. Durante e anochi ameno aki Raymond Knops a hiba palabra y a expresa su sentimientonan den un bunita speech. Locual a resalta ta momento cu Raymond Knops a splica cu tin hende ta drenta politica djis pa tey y tin otro hendenan ta drenta politica cu e gana pa traha y haci cambionan grandi y mihor pa nan pais. E sentimiento aki e tin di e grupo actual, esta cu nan kier haci cambionan grandi sirbiendo nan pais. Tambe Raymond Knops a splica di a keda sumamente contento di e plannan cu e gobierno actual a presenta y sigur Aruba por conta cu su sosten. Parlamentario Endy Croes tambe por a salud’e y hiba un combersacion cortico cu Raymond Knops. Segun Endy Croes e ta sinti un bon “vibe” positivo den e persona di Raymond Knops identificando Sr. Knops como un bon ser humano y esaki lo ta inicio di cambionan grandi na bienestar di henter nos comunidad.