Diasabra anochi den un encuentro, Minister Glenbert Croes, Departamento di Asuntonan Social y varios Organisacion Social a reuni cu e Secretario di Estado Raymond Knops durante cual e topico central tabata con Aruba ta planea pa atende cu problemanan social cu ta asotando nos Pais.
Minister a splica kico tur a haci desde e caso lamentable di e Angelitonan di Aruba, Rishandroh y Eugene y cu e esfuerzo aki a culmina den un Plan di Emergencia Social, su Plan di Ehecucion y e presupuesto necesario cu a conta cu aprobacion unanime di Conseho di Minister den luna di December ultimo.
E Gobierno aki si lo no bira cara pa e problema. Minister Glenbert Croes: nos ta determina di lucha te final pa logra cambionan fundamental cu lo resulta den un desaroyo social positivo pa salba futuro di nos yiunan. A tuma e prome pasonan caba. Pronto lo duna un explicacion y presentacion amplio di esaki pa Aruba realisa y compronde cu e ta rekeri un esfuerzo colectivo!
Nos ta agradecido pa e interes cu e Staatssecretaris Raymond Knops a pone di su banda riba e tema social durante su bishita na Aruba.