Home » Migracion Aruba ta lansa su website den 4 diferente idioma pa simplifica y innova e sistema di aplicacion pa carta di garantia of extension turistico.

Migracion Aruba ta lansa su website den 4 diferente idioma pa simplifica y innova e sistema di aplicacion pa carta di garantia of extension turistico.

by Admin
0 comment 77 views

Den un intento pa haci e sistema di aplicacion pa carta di garantia of extension turistico mas facil, migracion aruba ta lansa su website www.migracionaruba.com den 4 idioma: papiamento, hulandes, ingles y spanjo. Aunque cu ainda e ta den proceso di prueba pa perfecciona y oficialisa, e website ta den funcion como un “landing-page” y ta completamente activo pa por aplica pa un cita.

 

Atravez di e website aki, bo por aplica pa carta di garantia of extencion turistico. Bo por yena tur bo datos nan incluyendo e posibilidad di por upload documento nan rekeri manera entre otro passpoort, kvk of payslip. Esaki sigur lo haci e pre-scanning mas facil y liher. Una vez cu a aplica riba e website, por spera un reaccion riba peticion pa cita dentro 48 ora y cita lo wordo otorga dentro di 7 pa 10 dia di trabou. Ta hopi importante pa tur usuario sa cu riba dia di e cita mester trese un copia di tur e documento nan cu ta rekeri. E lista di rekisito pa aplica ta riba e website y ta facil pa por download y print si ta necesario.

 

Mientras tanto ta sigui innova y muy pronto lo tin un formulario pa haci bo cita atraves di facebook facilitando esaki pa tur esnan cu ta haci uzo di e plataforma social. Riba e pagina di facebook.com/migracionaruba cu lo habri e siman aki, tur usuario lo por keda altanto di tur desaroyo of informacion importante relaciona cu migracion.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio