Bisiña a agredi y menasa otro bisiña cu morto. E problema ta adando pa algun siman caba

Macubaristraat – Diadomingo anochi algo prome cu 10’or polis y ambulance a bay Macubaristraat, caminda tawata tin un problema grandi.
Na e sitio nos por a wak dos ambulance y varios unidad di polis.

Na prome instante a papia di problema di famia.
Na yegada di unidadnan policial nan a compronde cu un persona di edad lo a worda maltrata cu un obheto y tambe menasa cu morto.

No ta conoci con exactamente e problema a desaroya, pero si nos sa cu ya ta algun tempo cu tin problema entre e dos bisiñanan aki.

Mes ora polis a detene e homber agresor y a pidi pa recherche mirando cu ta un caso serio di maltrato y te hasta menasa di morto a cay segun polis.

E victima tawata den ambulance y tawata wordo atendi pa e paramediconan.