Home » Rafael Heiliger y Rocio Correa ta empleadonan di aña

Rafael Heiliger y Rocio Correa ta empleadonan di aña

by Admin
0 comment 49 views

Door di a destaca durante henter aña cu Tropical Bottling Company

ORANJESTAD, Aruba: Aña 2018 a habri y MetaCorp a scoge su empleadonan di e aña cu a termina. Despues di a mira diferente aspecto cu 2 empleado a destaca durante henter aña, a scoge e empleado di aña di “Front of the house”, esta Rafael Heiliger, mientras e empleado di aña di “Back of the house” a resulta Rocio Correa. Den un ambiente ameno a scoge e empleadonan di aña entre tur nominado cu tabata Clarissa Willems, Rafael Vasquez, Nelson Maduro, Andres Loopstok, Elvis Maduro, Michael Geerman, Rafael Heiliger y Rocio Correa.

 

Rafael Heiliger ta traha cu Tropical Bottling Company pa 10 aña caba y a bira empleado di aña, E ta tecnico di control p’e compania pero durante e prome 6 añanan, su trabou tabata como bartender na Beergarden. El a ricibi un oportunidad pa bira tecnico di control y el a haci esaki, di cual p’e tabata un honor. Pa ta e empleado di aña di front of the house esaki tabata un sorpresa pa Rafael Heiliger, kende a keda contento di tabata empleado di aña, ya cu e no a  spera esaki.

 

Rocio Correa ta un “lab technician” di “quality control” y e tin 5 aña di servicio na Tropical Bottling Company. Su trayecto cu e compania ta pa ta un persona hopi activo y cu tin hopi experiencia . E trabou di Rocio Correa ta encera na controla e calidad di e productonan y cubriendo 2 area di produccion y proceso. Pa Rocio Correa esaki tabata un sorpresa, pasobra e no a spera di ta empleado di aña di “Back of the house”. E tabata hopi contento cu e compania, pasobra semper e compania sa ta pendiente di su empleadonan.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio