Wayaca – Diasabra anochi den careda di 10:30 polis di trafico a wordo manda altura di Arubus, sitia na Wayaca.
Na e crusada na banda, un accidente a sosode y tawata tin hende herida.
Na yegada di polis nan a topa cu ambulance, cu tawata tratando e dama chauffeur, cu keda levemente herida.
Loke nos a compronde na e sitio tawata cu, e dama biniendo di pariba lo no a pone a atencion cu ela yega e crusada.
Y ta sigui bay straight pabou, pasando banda di un container y over dos pos, pa keda pega na e ultimo.
Por bisa cu e dama tawata tin hopi suerte, paso e accidente aki lo por tawata uno hopi serio, si ela dal straight contra e container staciona net pabou di e crusada.
Personal di ambulance a dicidi di hiba e dama hoben pa un control medico mas avansa.