Oranjestad – Recientemente a tuma luga un press conference di Wilhelmina Kankerfonds y Manrique Capriles.
E tema principal tawata e solo di Aruba durante Carnaval.
Señora Prince di Wilhelmina Fonds, a pone hopi enfasis pa usa Sun Screen durante Carnaval y tambe e pakiko.
Durante Carnaval ariba e ruta algun hoben lo reparti e Sun Screen di e marca Neutrogena.
E weekend aki caba lo por bay mira representantenan di Manrique Capriles, partiendo sun screen na e publico, pa asina proteha nos di e solo fuerte y su rayonan dañino.
Señora Prince a bisa cu si tin un cancer cu ta prevalece hopi aki na Aruba ta cancer di cuero. Y un biaha mas kier concientisa e pueblo ariba e peliger di e rayonan di solo.
Ela sigui bisa tambe cu Aruba ta haya un bon entrada di e solo, pero mester cuida nos curpa di dje.
Señora Prince ta preocupa cu e daño cu e solo por haci y kier pa mayornan pone tino ariba e muchanan cu lo bay ta den e solo cayente, e dianan nos dilanti. Te hasta a bisa pa keda cas, pa evita cu e solo fuerte por afecta un criatura seriamente. Varios mucha a yega di bay eertse hulp pa motibo di zon-ontsteking.
A haci un yamada na pueblo en general pa coopera cu Manrique Capriles cu lo ta ariba caya y lo reparti e sun screen y haci uso di dje.
Paso una bes bo hayabo confronta cune, e ta bira un dolor dificil pa remedia, esta cancer di cuero.
Di parti Manrique Capriles, e sun screen no ta 1 biaha ba hunte ariba e dia di parada y ta cla. No, bo mester keda reaplica paso ta un Sun Screen e ta y despues ta tanto rato e rayonan di e solo ta cuminsa pasa bek, esey ta e motibo cu bo mester keda reaplica.
Manrique Capriles lo no pasa un biaha so, pero lo keda pasa y reparti sun screen di Neutrogena.