Home Local Pago di impuesto facil y sigur Aruba Bank y Departamento di Impuesto...

Pago di impuesto facil y sigur Aruba Bank y Departamento di Impuesto ta amplia tipo di impuesto cu por wordo paga Online y via App

SHARE

ORANJESTAD, Aruba – 10 di Januari 2018: Aruba Bank den cooperacion estrecho cu Departamento di Impuesto (DIMP) awor ta ofrece tur cliente di Aruba Bank cu ta haci uzo di Aruba Bank Online, ABO Business y Aruba Bank App diferente tipo di impuesto cu nan por paga na un manera facil y sigur.

Para den rij na banco of na Departamento di Impuesto ta cos di pasado! Awor por paga:

DIMP | AOV/AWW
DIMP | AZV
DIMP | BAZV
DIMP | Erfpachtbelasting
DIMP | Grondbelasting
DIMP | Inkomstenbelasting
DIMP | Loonbelasting
DIMP | Motorrijtuigenbelasting
DIMP | Speelvergunning
DIMP | Toeristenheffing
DIMP | Winstbelasting Definitief
DIMP | Winstbelasting Voorlopig

E proceso pa haci pago ta facil. E cliente ta selecta e tipo di impuesto den e Address Book di e Aruba Bank Online y/of e Aruba Bank App. Pa ABO Business e cliente mester selecta e tipo di impuesto for di e lista den Bill Payment, y mester sigui e instruccion pa completa e proceso di pago.

Un nota importante pa usuarionan di Aruba Bank Online, ABO Business y Aruba Bank App cu tin un Recurring Payment of un Scheduled Payment programa den un di e sistemanan menciona, lo mester cancela esaki, y tuma nota di e cuentanan NOBO di Departamento di Impuesto ta brinda pa asina procesa bo pago na e forma mas sigur y eficiente.

E esfuerso di colaboracion entre sector priva y gobierno ta sumamente importante pa logra avancenan tecnologico e innovativo cu ta mehora e experiencia di e cliente mientras cu e ta cumpli cu su obligacionnan fiscal. Tanto Aruba Bank como Departamento di Impuesto ta sumamente satisfecho y ta sondea mas oportunidad pa trece mehoracion na un manera facil y sigur.

Pa mas informacion tuma contacto cu Aruba Bank su Call Center na 527-7700entre 8:00 am -4:00 pm pa aplica pa bo Aruba Bank Online, ABO Business of Aruba Bank App awe mes!