Home » Nos ta moviendo segun Minister Bikker cuerpo policial lo bay controla personanan indocumenta

Nos ta moviendo segun Minister Bikker cuerpo policial lo bay controla personanan indocumenta

by Admin
0 comment 53 views

Minister di Husticia, mr. Andin Bikker a bay Conseho di Minister diamars mainta pa duna cuerpo policial e poder un biaha mas pa ta toezicht houder abase di articulo 33 landsverordening toelating, uitzetting en verwijdering. Segun Minister Bikker e decision aki ta basa riba e indice di criminalidad cu ultimamente a subi. E mandatario a señala riba personanan cu ta bin Aruba y ta drenta via nos costanan ilegal, pero tambe esunnan cu ta bin como turista y despues ta keda. Hopi biaha e hendenan aki ta bay over na perde respet pa leynan di Aruba.

E situacion a bira hopi preocupante specialmente si mira e situacion cu tin actualmente na pais bisiña. Loke kier duna cuerpo policial atrobe ta algo cu for di 2008 no a pasa mas segun e mandatario. E decision cu a tuma den Conseho di Minister ta pa reintroduci e autorisacion pa cuerpo policial por ta vigilante basa riba articulo 33 di landsverordening LTU. Minister Bikker ta sigui bisa cu e kier pa tin mas persona pa controla ken ta na Aruba legal y kendenan no ta legal pasobra tin di e personanan aki ta falta respet na nos leynan y lo no tolera esaki mas. E decision tuma ta pa contra aresta e desaroyo aki y optimalisa e siguridad di pueblo di Aruba y su bishitantenan. Pa loke ta e materialnan cu cuerpo policial tin falta di nan, Minister di Husticia a manda pidi e departamentonan pa por escrito manda e lista pe. Pronto lo bay trata presupuesto di pais Aruba y lo bay pone esakinan den dje segun e mandatario. Pa Minister su sorpresa e lista aki a keda cla unda cu e mandatario a haye for di KPA. E minister a bisa cu lo bay traha mesora riba dje.

Minister Bikker kier mustra pueblo di Aruba cu e no ta bin cu plan pa despues no sigui traha riba dje, pero ya caba e prome pasonan concreto a keda tuma. Tur e puntonan menciona ta bay den presupuesto pa ser trata, cu ta helicopter pa polis, surveillance di drones, amplia articulo 33 di LTU na cuerpo policial y e materialnan cu cuerpo policial tabata falta pa nan por eherce nan profesion optimal. Nos ta moviendo segun Minister Bikker. E situacion di abandono cu e la haya ministerio di husticia conhuntamente cu e departamento di admision tabata serio. E ex minister di admision tabatin un free for all unda hendenan ta bin campa den bestuurskantoor y e tabata firma diasabra y tur dia akkoord met het verzoek sin lesa kico e ta firma.

Segun Minister Bikker e la hereda hopi problema y hopi dolor di cabes. Pero den apenas un luna y mei cu e la asumi responsabilidad e ta actuando diligentemente pa yega na un solucion. Ta pidi pueblo un tiki pasenshi pasobra e herida ta pica prome cu e cura. E mandatario ta desea di por a primi un boton pa soluciona tur problema pero ta solucionando nan uno pa uno segun Minister di Husticia mr. Andin Bikker.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio