Home » Prome Minister Evelyn Wever-Croes: Segun hues DESIREE CROES NO TIN CU BAY TRAHA NA ARUBAHUIS

Prome Minister Evelyn Wever-Croes: Segun hues DESIREE CROES NO TIN CU BAY TRAHA NA ARUBAHUIS

by Admin
0 comment 54 views

Ex Parlamentario Desiree Croes a cuminsa un caso contra Gobierno di Aruba momento cu Gobierno a informe cu e no por ocupa e funcion di Director di Arubahuis.
Den corte Gobierno a argumenta cu Desiree Croes ta un persona problematico cu a pleita hasta cu Edwin Abath tempo e tabata Minister Plenipotenciario pa AVP.

Desiree Croes a falta respet pa Minister Plenipotenciario Guillfred Besaril na numeroso ocasion cu atakenan baho y pues hamas e por bay traha den e funcion di confiansa bou di Minister Besaril.
Desiree Croes a presenta algun documento den corte cu ta mustra bon cla cu Gobierno di Mike Eman a fix e bon den e posicion di director. Prome Minister ta bisa cu esaki ta un nombracion hopi straño sinembargo un biaha mas esaki ta mustra e “friends and family” cu ta tipifica AVP manera tabata e caso tambe ora cu Eman a purba “fix” Candelaria como director di Directie Scheepvaart.

Hues a indica den e caso sumario cu Eman a fix Desiree Croes su landsbesluit hopi bon y pesey mester paga Desiree Croes su salario di director. Pero cu Gobierno no ta obliga pa pone Desiree Croes traha den e funcion si. Mirando e mal relacion entre Desiree Croes y Minister Plenipotenciario Guillfred Besaril, esaki berdad no ta posibel tampoco.
Prome Minister Wever-Croes ta bisa: “A base di esaki no por bisa cu Desiree Croes a “gana” su caso. Desiree Croes a gana su salario pero e no mester traha pa su salario”.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio