Den fin di siman e team di TK5 a haci interval training na Seroe Colorado den preparacion pa e di 7 TK5 na Surinam.
Training a cuminsa pa 8’or di mainta. Training pafo semper ta mas duro cu den gymzaal. E training a cuminsa na e cancha di tennis na Baby Beach y a cuminsa cu diferente ehercicio pa despues core bay te na e Santana di Cacho y haci diferente ehercicio atrobe pa despues sigui core bay te na final di e caminda cu direccion pa Seroe Colorado pa eynan tambe haci ehercicio. Nan a subi Seroe Colorado y a haci e asina yama “suicide” training.
Ora cu a caba cu e diferente facetanan mester a core bay bek te na e cancha di tennis unda cu training a sigui te cu 10’or y mey.
Aruba tin 6 aña consecutivo ganando e copa TK5 na Surinam y ta preparando duro pa e di 7 copa hunto cu e team di Junior cu ta consisti di Rouel Baarh di Impact Taekwondo, Shaquille Barry di San Nicolas Taekwondo Center, Nathan Fradl, Záhyon Klabér y Hakeem Lowe di Brazil Taekwondo Stichting. Jourdé Klabér ta bay coach e team TK5 na Surinam.