Home Police Turista a perde cabes y a yama 911 pa lift cu a...

Turista a perde cabes y a yama 911 pa lift cu a pega, siendo cu e hotel mes tabata tin tur cos bou control

SHARE

Palm Beach – Diadomingo pa mas o menos 1’or di merdia, brandweer, polis y ambulance a sali cu urgencia pa bay direccion di Hyatt Regency Hotel, unda algun lo persona a keda pega den un lift.
Na nan yegada tur esnan cu tabata den e lift a sali caba.

Aparentemente un tata di famia a bay den panico na momento cu e lift a pega y desesperadamente a yama 911 pa manda tur unidadnan di rescate esta brandweer, ambulance y polis pa auxilianan.
Siendo cu Hyatt mes ta bon ekipa y tabata tin tur cos bou control, cu sin problema y hopi liher a habri e lift y tur hende cu tabata den e lift a sali.

Personal di Ambulance na yegada a controla un mucha pero tur cos tabata ok.