76
Santa Cruz – Diadomingo den careda di di 3’or y mey di marduga un patruya di polis acompaña pa tata di un damita di 14 aña a bay un cas un poco mas pariba di Mundo Nobo Supermarket, pa bay atende cu un caso di secuestro. Tata di e mucha muher lo tabata tin un fuerte sospecho cu su yiu muher tabata scondi na e adres aki.
E caso di secuestro aki lo tabata andando for di diasabra den dia caba. Tata di e damita di 14 aña, a bay na e adres ey caba pa busca paradero di su yiu muher, pero nan a bise cu e mucha no ta eynan.
E tata cu tabata desespera y mirando cu ta trata di un damita menor di edad, ela dicidi di acudi na polis.
Na yegada na e cas, Polis a haya permiso di e habitantenan pa drenta riba e tereno di e cas y asina nan a logra haya e damita scondi na e cas.
Un hoben di 19 aña tabata tin e damita di 14 aña aki scondi na e cas. anto ora polisnan a puntre unda e mucha muher aki ta, ela nenga y a bisa nan na prome instante cu e no conoce y despues a bisa cu e tin hopi tempo sin mire.
E hoben di 19 aña aki a keda deteni pa motibo cu loke ela haci ta un acto castigabel, teniendo un mucha menor di edad scondi, ta wordo considera como un secuestro.
E hoben di 19 aña a wordo transporta cu transportwagen di polis pa warda di polis na Santa Cruz.
E tata y su yiu muher a yega warda den e patruya di polis.
E caso aki a wordo poni man di Jeugd en Zeden Politie y tambe Slachtofferhulp a wordo pidi pa atende cu e caso aki.