L.G.Smith Boulevard – Diabierna anochi algo prome cu 10’or, polisnan a bay Hamaka.
Motibo tawata cu na bar, aparentemente lo tawata tin un muhe ta bebe y hunto cune e tawata tin un criatura di mas o menos 2 aña.
Mirando cu ta trata di un mucha, mes ora un patruya a yega na e luga.
Agentenan a cana bay na e bar y berdad nan a haya un dama cu un stroller y den dje un criatura.
Agentenan a hale un banda y lo a keda di bay warda cune pa asina nan papia miho.
Den oranan di anochi no ta bon pabo ta cu criatura asina chikito, na sitionan asina. E mucha mester ta drumi e ora ey y no ariba caya.
Manera nos a trece dilanti varios biaha, ta hopi bon cu ciudadanonan ta bati alarma mes ora, manera wak algo cu no ta normal cu un criatura.
Ban sigui asina pa nos proteha nos muchanan.