Home Local Departamento di Salud ta informa: Na esnan cu ta bende cuminda y/of...

Departamento di Salud ta informa: Na esnan cu ta bende cuminda y/of alcohol riba ruta y actividad di Carnaval

SHARE

Mirando cu nos a drenta e temporada di Carnaval, Departamento di Salud Publico, ta haci un suplica na tur persona cu ta bende cuminda manera pan cu hotdog/pizza/conserva di pinda/cocada etc., y/of alcohol riba ruta y durante actividad di Carnaval pa tene cuenta cu e siguiente puntonan:
Mester cumpli cu regla di higiena di parti seccion di Inspeccion di Alimento y Hygiena manera: – Jug cu awa limpi pa laba man
Habon
Serbete limpi of disposibel handtowel
Temperatura di cuminda etc.
Tur persona cu ta bende cuminda y/of alcohol mester tin nan Certificado di Salud (Carchi Berde / “Gezondheidsverklaring”) na ordo. E Certificado di Salud mester ta vigente y visibel pa e controladornan
No ta acepta recibo como reemplasante di Certificado di Salud (Carchi Berde / “Gezondheidsverklaring”)

Si acaso no cumpli cu e rekisitonan menciona Departamento di Salud Publico lo por aplica sancion si ta necesario.
Pa mas informacion por tuma contacto libremente cu seccion di Inspeccion di Alimento y Hygiena di Departamento di Salud na telefon 5224273 / 5224275 / 5224279.
Departamento di Salud ta desea e pueblo carnavalesco un dushi temporada di Carnaval.