Bushiri – Diabierna marduga polis a bay altura unda antes tawata Bushiri hotel, pa un caso lamentabel di intento di violacion.
Informacionnan cu polis a haya tawata indica cu, tin dama gritando y e lo ta sunu.
Loke nos ta dispone di dje y sin bay den mucho detayes ta indica cu un dama hoben, haciendo ehercicio mainta trempan a haye confronta cu e homber aki.
Un homber color scur cu cara tapa, arma cu un arma di candela y un schroefdraai a atake.
E lo a bisa e dama hoben cu e lo kier tin relacion cune y a pone e schroefdraai na su garganta, mientras e lo tawata mishi cu e dama parti abou.
Den e momentonan nan ey mas hende a cuminsa bay na trabou y mas auto a cuminsa pasa y aki tawata e chance pa e dama a cuminsa grita. E ora e homber a core direccion lama y a desaparece
Polisnan a tira bista rond, pero no a haya nada.
Slachtofferhulp a wordo notifica mes ora y e victima a wordo hiba warda di Oranjestad.
Hopi biaha nos ta wak personanan haciendo ehercicio den oranan hopi trempan mainta, si bo ta boso tene cuenta cu e por tin su risiconan.
Lo ta bon pa semper bo tin un compañe, paso bo nunca sa unda malora ta.