Home Police Cuerpo Policial Aruba bon prepara pa Carnaval 64 ...

Cuerpo Policial Aruba bon prepara pa Carnaval 64 150 agente policial ta cla pa parada di Flambeu

SHARE
DCIM100MEDIADJI_0241.JPG

Cuerpo Policial Aruba ta cla pa inicia un otro temporada di Aruba su carnaval. E aña aki carnaval 64 ta conta cu mas o menos 150 agente policial cu lo ta riba pia pa parada di flambeu diasabra awor dia 6 januari. Cu diferente unidadnan manera K9, Mobiele
Eenheid, Cuerpo Especial Arubano, Motor Unit y polisnan uniforma cu lo forma parti di parada di diasabra awor.
E ruta ta cuminsa pa 8:00pm desde Aruba Entertainment Center y ta termina pa 1:00am na ex-DOW. Cuerpo Policial lo transmiti inicio y durante di e parada BIBO via facebook pa informa nos comunidad desaroyonan di parada di flambeu di parti bo amigo polis.

Celebra carnaval sanamente y concientemente. Si bo no por maneha bo auto busca un chauffeur cu por maneha esaki y pa asina boso por yega boso destinacion responsabel y safe. Sea responsabel cu mucha chikitonan mester tin nan earplugs pa proteha nan orea durante musica duro. Den carnaval 64 gos’e cada rato pero responsabel Bo amigo polis lo percura pa controlnan preventivo sigui durante carnaval pa seguridad di cada un!